TULANO-TULANO
RATONO FITU GHULU BHIDHADHARI
Anagahaini te wuna dosampumo fitu ghulu bhidhadhari ne wiwini laa fotuna rete. Wakutuno dosampu, omputo wuna ladhe Husaini (amputa sangia) nando nekadiu we laa anagha. Bhidhadhari damandehaane bhe mekadiuno ne laa kasampuhano maitu. Nopandehanda kaawu dosampu omputo sainga kansuru nekakope welo karumbu. O bhidhadhari kansuru dolembisi bhadhundho maka dekadiu. Pada dekadiu dosukomo pakeando dasumuli te kalatehanda. Gara noombamo omputo sangia nemaigho ne katebunihano, nekansuru we wutonda bhidhadhari anagha maka neintara semie. Nobhisaramo omputo sangia, ihintu koemo horo , rampahano soaembaliangko mieno lambuku. Lahae notuduko asampune liwuku ini.Aesalo maafu, ane nobhela kanau lalo, runsa kanaumo ahumorogho. Inadi paenambali miene lainbumu rampaghano mina akokoro pede manusia bhainda. Ane orumunsakanau madaho aesaloangko nekakawara namaangko anahi samokesano pede inodi. Nofetingke tolano wamba bhidhadhari aenaagha kansuru norunsaeeline nahumoro.Omputo sangia momponamo nogaa taaka miina nakoana.
Sehae-sehae kaawu omputo sangia anarobhineno nobhalamo taghino. Salentehano anahi anaagha kapasoleno pasae daano bhidhadari karakona welaa. Taaka anahi anagha miina nokokoro. Anahi anaagha nofoneane wadhe kamomono kamba. Ghuluhano kamba pata tifonisina. Sokaomuru gataghu wadhe kamomono kamba nolentomo nakokoro dua.oghuluno sebera manusia sebhera tora nembali ghule. Anea neano adhe wuna, wadhe kamomono kamba nohende nembali kalambe mongkera pedamo dua adhe wuna nembali moghane mpasole.
Ompute sangia anahi robhine hbe ana moghane nda dotekabhalae welakalalesano lalanda. Dhobhari anaino ghane tumangkuno wengkaretenda omputa sangia somefenagho tungguno cakarete. Nohalimo lalono omputo sangia sampahano nopandehaane kalambeno miina nakokoro peda kalambe segaahano.omputa sangia nomaintemo kaambana. Peda kaawu anaagha notolamo nekakawasasia-siamo ananda inaitu panaewanta umurundo. Nasehae-sehae nosakimo anaagha meghanehi itugho kumalano nobhatala mo lalenda wadhekamomono kamba do koburue tewadalau ( wasolangka).
Somateno wadhe kamomono kamba nomoisamo adhe wuna. Adhe wuna ini miina intigho nolimbaV wengkaroto.rampano noambanogho wutono. Welambu ntigho nosongku nekalambehi melateno welo lambo nofetingke kaawu pede anaagha diuna adhe wuna, omputa sangia nobhasimo ponggawa hina doneatigho namolimba adhe wuna neliwuno wuna. Dokalamo dempali – mpaliane adhe wuna te wiwina tehino mantobua bhe dopobhangka – bhangka. Peda anaagha adhe wuna doghuluane wololia newiwino tehi wakorumba. Lia anaagha nolona te kulisuru. Nofetingke bhiritano adhe wuna noghulu te Maluku te Maluku ne kansuru te seram, maka ne late te kabhawono anaagha.
Tidak ada komentar:
Posting Komentar